Englishຕາມຫົວຂໍ້ເລີຍ, ຕິດຕັ້ງອິນເຕີເນັດໃສ່ 10 Mbps ຈ່າຍເງິນເປັນຫຼາຍແສນ, ແຕ່ເວລາດາວໂຫຼດ ພັດບໍ່ຮອດ
ຕົກລົງວ່າຄຸ້ມຢູ່ຫວາ ? ດຽວຈະຂຽນໃຫ້ເຂົ້າໃຈງ່າຍໆ, ອາດຈະເປັນບົດຄວາມທີ່ສັ້ນກວ່າທີ່ເຄີຍຂຽນຜ່ານມາ (ຫຼືບໍ່? Lol )
ມາຮຽນຮູ້ຈັກກັບຄຳວ່າ “Data transfer rate”
ອັດຕາການສົ່ງຂໍ້ມູນ
ການສື່ສານຄົມມະນາຄົມ, ອັດຕາການສົ່ງຂໍ້ມູນ ແມ່ນຕົວເລກສະເລ່ຍຂອງຫົວໜ່ວຍ ບິທ (Bit rates), ຕົວອັກສອນ ຫຼື ສັນຍາລັກ, ຫຼື ບລັອກຂໍ້ມູນຕໍ່ຫົວໜ່ວຍເວລາ ທີ່ກຳລັງຜ່ານທໍ່ສົ່ງຂໍ້ມູນໃນ ລະບົບການສົ່ງຂໍ້ມູນ[Data-transmission system]. (ຂໍໂທດ,ຊ່ວງຫຼັງເລີ່ມມີບັນຫາແປພາສາລາວບໍ່ໄດ້ແລ້ວ T^T )
ໂດຍທົ່ວໄປແລ້ວ, ຫົວໜ່ວຍອັດຕາຂໍ້ມູນມີສອງແບບຄື ບິທ ຕໍ່ ວິນາທີ ແລະ ໄບທ໌ ຕໍ່ວິນາທີ // bits per second (bit/s) & bytes per second (B/s) //
ຕົວຢ່າງ: ອັດຕາຮັບ-ສົ່ງຂໍ້ມູນແຕ່ເຮົາໄດ້ຍິນກັນເລື້ອຍໆນຳອິນເຕີເນັດກໍຄື Mbit/s ອ່ານວ່າ ເມັກ-ກະ-ບິທ ຕໍ່ວິນາທີ
ຄືແນວນີ້, ບໍລິສັດທີ່ໃຫ້ບໍລິການອິນເຕີເນັດ ຫຼື ຜູ້ໃຫ້ບໍລິການອິນເຕີເນັດ (Internet Service Provider)ເພິ່ນໄດ້ອີງຕາມ ໃນວິຊາ ເນັດເວີກ, ຫຼື ເຄືອຂ່າຍກ່ຽວກັບການສື່ສານລະຫວ່າງຄອມພິວເຕີ. ໄດ້ຄິດຄົ້ນແລະໄດ້ຕັ້ງຊື່ຫົວໜ່ວຍວັດຄວາມໄວການຮັບແລະສົ່ງຂໍ້ມູນ
ເປັນຫົວໜ່ວຍວ່າ “Bit” – ບິທ
ເປັນບໍລິສັດໃຫ້ບໍລິການ ການສື່ສານ, ກະຕ້ອງນຳໃຊ້ໃຫ້ຖືກຕ້ອງແມ່ນບໍ່ລ່ະ ? ມາປະເດັນຕໍ່ມາ, ກ່ອນຈະມີເລື່ອງການສື່ສານລະຫວ່າງຄອມ, ສິ່ງນັ້ນເຮົາມັກເຂົ້າໃຈມັນແມ່ນ ເນັດ, Internet …
ມີສິ່ງໜຶ່ງກ່ອນເລື່ອງນີ້ກໍຄື ເຮັດແນວໃດ ຊິເຮັດໃຫ້ຄອມພິວເຕີ ເກັບຂໍ້ມູນໄດ້ ?
ເລື່ອງນີ້ຕ້ອງຂອບໃຈພໍ່ເຖົ້າຈອນ (John Von Neumann), ທີ່ຄິດຄົ້ນຂຶ້ນເລື່ອງສະຖາປັດຍະກຳຄອມພິວເຕີຂຶ້ນ, ຊື່ງມັນກະຍັງທີ່ອ້າງອີງໃນການພັດທະນານັບແຕ່ສະໄໝນັ້ນ, ເຮັດໃຫ້ສິ່ງເຮົາໄດ້ນຳໃຊ້ທຸກມື້ນີ້.
ປະເດັນກໍ່ຄື ຫົວໜ່ວຍບັນທຶກຂໍ້ມູນໄວ້ກັບຄອມ ຫຼື ອັນທີ່ເຂົ້າໃຈວ່າ ເກັບຂໍ້ມູນໄວ້ຄອມ, Save ຂໍ້ມູນໄວ້ຄອມ
ເປັນຫົວໜ່ວຍວ່າ “Byte” ໄບທ໌
ສະຫຼຸບໄວ້ວ່າຂັ້ນທີ່ໜຶ່ງ, ຫົວໜ່ວຍວັດຄວາມໄວສົ່ງ-ຮັບຂໍ້ມູນແມ່ນເປັນ “Bit”- ບິທ
ຫົວໜ່ວຍວັດປະລິມານຂອງຂໍ້ມູນແມ່ນເປັນ“Byte” – ໄບທ໌
ການປ່ຽນຫົວໜ່ວຍ ບິທ ເປັນ ໄບທ໌: 8 Bit -> 1 Byte ຈື່ໄວ້ໂຕນີ້ສຳຄັນ.
| ຊື່ | ອ່ານວ່າ | ຊື່ | ອ່ານວ່າ |
| 1 Bytes | 1 ໄບທ໌ | 8 Bits | 8 ບິທ |
| 1 Kilobytes | 1 ກິໂລໄບທ໌ | 8 Kilo bits | 8 ກິໂລບິທ |
| 1 Megabytes | 1 ເມັກກະໄບທ໌ | 8 Megabits | 8 ເມັກກະບິທ |
| 1 Gigabytes | 1 ກິ້ກກະໄບທ໌ | 8 Gigabits | 8 ກິ້ກກະບິທ |
| 1 Terabytes | 1 ເທລາໄບທ໌ | 8 Terabits | 8 ເທລາບິທ |
ແລ້ວບາດນີ້ ໂລກມັນກໍ່ຕ້ອງພັດທະນາ, ຖ້າຊິຂະໜາດບິທ ເທົ່າເກົ່າ, ໄບທ໌ ເທົ່າເກົ່າ ມັນກໍ່ບໍ່ແມ່ນ. ສະນັ້ນ, ຈຶ່ງມີຫົວໜ່ວຍໃໝ່ຂຶ້ນມາ ເພື່ອສະແດງໃຫ້ມີຄວາມເຂົ້າໃຈວ່າ ມັນໃຫຍ່ກວ່າເດີ້ ແບບນີ້, ເບິ່ງຕາຕະລາງຂ້າງເທິງ.
ເວົ້າອີຫຍັງ ເຂົ້າໃຈຍາກແທ້!?
ໃຈເຢັນໆ, ຢາກຂຽນໃຫ້ເຂົ້າໃຈ ແລະມີຄວາມຮູ້ໄປນຳ ຂໍປຽບທຽບໃຫ້ເຂົ້າໃຈກັນງ່າຍໆເລີຍ ການຂັບລົດ, ສິ່ງທີ່ທຸກຄົນມີຄວາມເຂົ້າໃຈຄື ຄວາມໄວລົດ ກັບ ປະລິມານນ້ຳມັນລົດ
ຄວາມໄວລົດ ມີຫົວໜ່ວຍ km/h, ປະລິມານນ້ຳມັກລົດ ມີຫົວໜ່ວຍ Litre (ລິດ). ແລ້ວມີລົດທີ່ມີຄວາມແຮງຫຼາຍ ແຮງສາມາດເລັ່ງໄດ້ໄປຮອດປາຍທາງໄວ, ນ້ຳມັນກະໝົດໄວນຳ ປະມານນີ້
ປຽບທຽບໃສ່ຄອມພິວເຕີບາດນີ້, ປະລິມານຂໍ້ມູນ ກະແມ່ນ ປະລິມານນ້ຳມັນ, ຄວາມໄວລົດ ກະຄື ຄວາມໄວຂອງອິນເຕີເນັດ, ເນັດໄວເທົ່າໃດ ດາວໂຫຼດແລ້ວໄວ.
ປະເດັນ ແມ່ນ ຢາກໃຫ້ເຂົ້າໃຈ ສອງສິ່ງນີ້ ຍັງມີຫົວໜ່ວຍຄິດໄລ່ບໍ່ຄືກັນ, ແລ້ວເຫດໃດຄອມພິວເຕີມີຈະບໍ່ໄດ້?
ມາເຂົ້າເລື່ອງ, ຫົວຂໍ້ວ່າ ເປັນຫຍັງຄວາມໄວອິນເຕີເນັດຄືບໍ່ໄດ້ຕາມໂຄສະນາ
ກະເພາະວ່າ ຕາມຂ້າງເທິງ ມັນຄົນລະຫົວໜ່ວຍ ແລະ ມັນຄົນລະເລື່ອງກັນ, ອັນໜຶ່ງແມ່ນ ວັດແທກການສົ່ງ-ຮັບ, ອັນໜຶ່ງແມ່ນ ວັດແທກປະລິມານຂະໜາດຂອງຂໍ້ມູນ.
ມາຄິດໄລ່ໃຫ້ຖືກຕ້ອງກັນເຖາະ, ຈະບໍ່ໄດ້ໂວ້ຍວາຍໂລເລ້
ຫຼິ້ນເຟສບຸກ ເຫັນໃຜກະຈົ່ມວ່າເນັດສະປິດບໍ່ຮອດແນວນັ້ນນີ້, ອ່ານນີ້ກໍຫວັງຈະເຂົ້າໃຈກັນ, ໂອເຄ? ຈຸຟໆ ບໍ່ດື້ ບໍ່ດື້
| ມີເນັດ 1Mbps, ຄວາມໄວຄວນໄດ້ເທົ່າໃດໃນການດາວໂຫຼດ ເວລາສະແດງ? |
ແມ່ນໃຫ້ 1Mbps ຫານ 8bits = 0.125 Megabytes≈ 125 Kilobytes |
| ມີເນັດ 2 Mbps | = 2 / 8 = 0.25 ≈ 250Kbytes |
| ມີເນັດ 3 Mbps | = 3 / 8 = 0.375 ≈ 375 Kbytes |
| ມີເນັດ 4 Mbps | = 4 / 8 = 0.5 ≈ 500 Kbytes |
| ມີເນັດ 10 Mbps | = 10 / 8 = 1.25 ≈ 1.25Mbytes |
ໃຜມີອິນເຕີເນັດລອງທົດສອບເບິ່ງວ່າ ຮອດບໍ່, ຖ້າບໍ່ຮອດບໍ່ຕ້ອງຕົກໃຈ, ໃນບົດ Wikipedia ກະບອກແລ້ວວ່າ ແມ່ນອັດຕາສະເລ່ຍ ສະນັ້ນແປວ່າ ບໍ່ຮອດເປະທີດຽວ
ແຕ່ສິ່ງມັນຈະຄວນໄດ້ ປະມານ ບໍ່ຕ່ຳກວ່າ 80 – ຫຼືບໍ່ສູງກວ່າ 125 [ບາງເທື່ອເຫັນມັນສູງກວ່າ 125 ທີ່ມັນ$&%^* ກະເອີນ້າ ==”
ພະຍາຍາມອະທິບາຍແບບທິດສະດີ]
ສະນັ້ນແລ້ວ, ຫວັງທຸກທ່ານຈະຄວາມເຂົ້າໃຈກັບການຄິດໄລ່ຄວາມໄວອິນເຕີເນັດ, ບໍ່ແມ່ນວ່າໃຊ້ອິນເຕີເນັດ 10 Mbps ຈະໄປໂວ້ຍມັນຄືດາວໂຫຼດບໍ່ຮອດ
ມັນມີເລື່ອງຕະລົກອັນໜຶ່ງ, ກວ່າຊິມີຄົນເຂົ້າໃຈຜິດຫັ້ນ, ມັນເກີດຈາກຄວາມມັກງ່າຍຂອງຄົນໆໜຶ່ງ, ຈັກໃຜບຸເປັນຜູ້ເລີ່ມ. ເລື່ອງມັນມີຢູ່ວ່າ
2Mbps ອ່ານວ່າ 2 ເມັກກະບິທ ຕໍ່ ວິນາທີ ຫຼື ສັ້ນໆໃຫ້ເວົ້າງ່າຍແຕ່ໃຫ້ຖືກຕ້ອງ 2 ເມັກກະບິທ
ແຕ່ຈັກໃຜ…. ພາອ່ານ 2 ເມັກ, ພໍມັນເປັນແບບນີ້ແຫຼະ, ປະເດັນສຳຄັນແມ່ນຢູ່ທາງຫຼັງ ພັດໄປຕັດອອກ. ມັນກະເຮັດໃຫ້ໄປສັບສົນກັບ 2 ເມັກກະໄບທ໌
ພໍດົນໆໄປ ເຮັດໃຫ້ຄົນເຂົ້າໃຈວ່າ ບິທ ກັບ ໄບທ໌ ແມ່ນອັນດຽວກັນ.
ຈື່ໄວ້…ວ່າ ມັນບໍ່ຄືກັນ ~!
#IF I ONLY KNOW
ອ້າງອີງ: Wikipedia
ເສີມ!
ໃນໂຄສະນາບອກວ່າ ການນຳໃຊ້ Speed ພາຍໃນ ແລະ ຕ່າງປະເທດ ແລ້ວມັນໝາຍຄວາມວ່າແນວໃດ ?
ການນຳໃຊ້ Speed ພາຍໃນ ແປວ່າ ເວັບໄຊທ໌ໃດທີ່ມີຖານຂໍ້ມູນໃນປະເທດລາວ, ແມ່ນໄດ້ໃຊ້ຄວາມໄວພາຍໃນ ຢ່າງເຊັ່ນ ເວັບໄຊທ໌ ລັດຖະບານລາວ, ເພິ່ນໄດ້ຕິດຕັ້ງຖານຂໍ້ມູນຢູ່ປະເທດລາວ. ເວລາເຮົາໄດ້ເຂົ້າໄປອ່ານ, ໄປເບິ່ງ ມັນກໍ່ຈະດາວໂຫຼດໄວກວ່າເນັດປົກກະຕິ ເພາະວ່າ ຖານຂໍ້ມູນຢູ່ໃນປະເທດ, ເຮັດໃຫ້ເຮົາເຊື່ອມຕໍ່ໄດ້ໂດຍກົງແລະໄວ.
ການນຳໃຊ້ Speed ຕ່າງປະເທດ ແປວ່າ ເຮົາເຂົ້າເວັບຕ່າງປະເທດ ທີ່ຮູ້ຈັກກັນດີແມ່ນ Facebook, YouTube ນັ້ນລ່ະ, ແລ້ວຖານຂໍ້ມູນທີ່ວ່າຢູ່ໃສ? ຖ້າຢູ່ໃກ້ສຸດແມ່ນ ປະເທດສິງກະໂປ, ແຕ່ບໍ່ແນ່ໃຈວ່າ Facebook ກັບ YouTube ມີຖານຂໍ້ມູນຢູ່ປະເທດໄທບໍ່, ແຕ່ປະເດັນແມ່ນ ເວັບພວກເຫລົ່ານີ້ ແມ່ນຢູ່ນອກປະເທດ ສະນັ້ນເຮັດໃຫ້ເຮົາໄດ້ຄວາມໄວທີ່ແຕກຕ່າງຈາກເວັບພາຍໃນປະເທດເຮົາເອງ.
ເປັນຫຍັງຄືເປັນແນວນັ້ນ? ໃຫ້ນຶກສະພາບຕອນເຈົ້າຂ້າມຂົວມິດຕະພາບ, ຊິຂ້າມດື້ໆເລີຍ ມັນບໍ່ໄດ້… ມັນຕ້ອງມີການກວດສອບ,ຈ້ຳກາຂ້າມແມ່ນບໍ່?
ອິນເຕີເນັດຄ້າຍໆແບບນີ້ເລີຍ, ແຕ່ອະທິບາຍເລິກກວ່າດຽວຊິບໍ່ອ່ານ [ທີ່ຈິງຜູ່ຂຽນ ເຈັບຄໍ ເວົ້າຫຼາຍບໍ່ໄດ້(ບໍ່, ທີ່ຈິງຂີ້ຄ້ານ)]
ໃຫ້ເຂົ້າໃຈແບບແຈ້ງໆ ອິນເຕີເນັດ ທີ່ເຮົາໃຊ້ກັນ ບາງສ່ວນບໍ່ແມ່ນການໄດ້ຮັບສັນຍານມາຈານດາວທຽມທີ່ຄິດກັນໄວ້, ທີ່ຈິງມັນແມ່ນ ສາຍເຊື່ອມຕໍ່ກັນຫັ້ນລ່ະ
ສົມມຸດວ່າ ເວັບໄຊທ໌ທີ່ມີຖານຂໍ້ມູນຢູ່ ສະຫະລັດ ອາເມລິກາ, ເຮົາຢູ່ປະເທດລາວ. ແລ້ວເຮົາໄດ້ເຊື່ອມຕໍ່ເວັບໄຊທ໌ທີ່ຢູ່ອາເມລິກາ
ພິມວ່າ Google.com ຈາກເນັດລາວ, ແລ້ວສັນຍານ ມັນຈະແລ່ນໄປ ປະເທດໄທກ່ອນ, ແລ້ວຕໍ່ໄປຫາ ປະເທດສິງກະໂປ, ປະເທດສິງກະໂປຂ້າມທະເລ ມະຫາສະໝຸດ ຫຼື ຫາປະເທດໃກ້ຄຽງ(ງ່າຍໆຄືຜ່ານຫຼາຍປະເທດ) ກວ່າຊິຮອດປາຍທາງກໍໃຊ້ເວລາດົນເຕີບແມ່ນບໍ່, ແຕ່ໃນຊິວິດເຮົາແທ້ອາດໃຊ້ເວລາຈັກແຕ່ 5 ວິນາທີ ກໍດາວໂຫຼດແລ້ວໆ. ເພາະຫຍັງກໍຄືແລ້ວໆໄວແທະ? ອິນເຕີເນັດສະໄໝນີ້ ໃຊ້ ແສງເລີເຊີສົ່ງຂໍ້ມູນ ? ເຂົ້າໃຈລະເບາະ ບາດນີ້ ເປັນຫຍັງຈຶ່ງມີຄຳວ່າ ຄວາມໄວແສງ ? [Fiber Optic!]
